புதுக்கோட்டை புதிய பேருந்து நிலையம் அருகே உள்ள தனியார் ஹோட்டலில் முன்னாள் அமைச்சர் விஜயபாஸ்கரின் ஆதரவாளர்கள் மற்றும் அதிமுக ஒன்றிய செயலாளர்கள் ஆலோசனைக் கூட்டம் நடத்தினர். விராலிமலை தொகுதி எம்.எல்.ஏ. பதவியை ராஜினாமா செய்துள்ள விஜயபாஸ்கர், நடிகர் விஜய் தலைமையிலான தமிழக வெற்றிக் கழகத்தில் இணைய முடிவு செய்தால் அதற்கு முழு ஆதரவு வழங்கப்படும் என கூட்டத்தில் தீர்மானம் நிறைவேற்றப்பட்டது. கூட்டம் முடிந்த பின்னர், சென்னையில் இருந்து வாட்ஸ்அப் அழைப்பின் மூலம் பேசிய விஜயபாஸ்கர், ஆதரவாளர்களுக்கு நன்றி தெரிவித்தார். இதையடுத்து நிர்வாகிகள் உற்சாகமாக அவருக்கு வாழ்த்து தெரிவித்தனர்.அரசியல்
